+
專題 疫境中讓我們一起守護 關注 兒童的微笑 同場加映 很有意義的遊戲《口罩盒設計活動》
發佈荔枝孖媽 2020/08/17 91

2020年都差不多快要過了3/4,回想這一年之始相信令大家都好難忘,最記得今年農曆新年去拜年大家都係底住頭睇手機,唔係玩遊戲,而係不斷上網盡可能在世界各地訂購口罩回港比家中成員同珍愛的親人,美國、印度、韓國、英國、荷蘭、日本、澳洲、巴西、菲律賓、印尼大家都無間斷咁用自己的力量去搜羅返來,盡全力想辦法保護家人,天價口罩我們捱過去了,到之後買唔到米、買唔到食糧、買唔到紙巾、甚至買唔到麪粉我們都撐過去了,或許在生活上的確帶來了一些不便。

但令我感受更深嘅係家人、好友之間互相關愛,在最初大家都唔夠口罩的時候,我們仍願意與人分享我們手中僅有的,買不到紙巾,你會擔心對方想寄一些給對方先用,無麪粉用朋友買好了還送過來,家人朋友間的亙相關愛讓大家在最差的時刻都感受到愛。

由最初對口罩一無所知,到大家後期都做哂功課去了解台灣、美國、歐洲不同國家嘅標準,咩國家有無血濺test,有無需要test VFE!? 大家都愈來愈了解。

而小朋友以前都有小量口罩在家,因為孖寶返學係要每天放5個口罩在書包內,但當到疫情真的來臨時,原本的幼兒口罩幾經掙扎到最後都係唔敢再比小朋友用,因為會擔心之前所購買的口罩質素參差,又怕口罩附上雜質等,於是又再重新做research,重新買個哂些比較高規格的比小朋友用。

沒想過原來戴口罩也太有學問,外科口罩構造原來係分成三層:外層防潑水、中層具過濾作用,內層可吸濕氣,用以阻隔大部分飛沫傳染病菌。

還好後來都搵到一款很不錯的口罩,係由醫療團隊成立,供應給診所及醫護人員使用;所以品質上當然唔需要再擔心,最鍾意就係呢個充滿生命力的胚芽綠色,比起其他市面上的綠色真係靚太多了….哈哈!

小朋友日常用呢款ASTM Level 1醫用口罩防護效果已經很不錯,口罩防潑水,PFE&BFE >99%,透氣度高,大部分孩子都能接受。

 

而這支醫療團隊成立的口罩工廠「華光外科口罩」Cambridge Surgical Mask 除咗有供大眾日常使用的ASTM Level 1醫用口罩外,仲另設有ASTM Level 3 口罩前後都有防水層,有效抵禦意外飛濺的液體,適合前線醫護人員及牙科診所醫護使用;極之透氣,比一般的ASTM Level 3 更優勝!今次找到這款高質口罩,在選購口罩上亦少了一份擔心。

還有我們都要多多留意家人,仲有家中小朋友的身心健康,因為疫情關係很多家長都work from home,加上難免會有些憂慮情緒會同時出現。難免可能會多了一些矛盾出現。大家都要多傾聽,了解,好好表達,好好接納對方的感受同意見。

我們總以為,愛係一種本能,親情係一種天生的關係,不需要任何經營。但其實愛一個人,都係需要方法的。家人的關係中,我們必須要學會的是,遇到分歧不逃避忍受,也不暴躁衝動,而是以足夠的耐心和溫柔去解決分歧。當我地同家人出現矛盾時,我們可以嘗試帶著開放的心態,不帶評判地傾聽時,理解,接受差異,雙方互相的理解和支持;一種認識真相之後的溫暖和體諒,自然會令彼此之間的愛流動起來。

大家都不妨趁著這個特殊的假期與父母家人在一起,共享天倫,共享溫馨。

疫情下大人細路都可能會有好多疑慮,不過無論係開心、定係唔開心、嬲又好,笑又好,咩心情都好,都唔好怕同人分享,咁先係錫住自己同家人嘅方法!.

或許我們在之後回望今天所經歷過嘅挫折與努力,每個人都會感激今天嘅自己。以家即使出街仲未除得口罩,希望大家都可以執靚個心情,珍惜每一刻,無論有咩風雨,我哋一樣都要努力笑住面對。

我成日都同孖寶講,就算戴住口罩人地都一樣可以感覺到你嘅快樂,因為我地每個人對眼睛都係識笑架!

希望大家都可以多多關注同守護兒童喺疫境中的情緒,即使帶上口罩,小朋友埋藏係口罩下的心情都應該被看得見。

你今日嘅心情又係點呢?

不妨拎張紙同筆,將今天口罩下的心情畫出來同家人分享! 

順帶一提,一個很意義的活動《#口罩盒設計活動》希望大家都一起參加,只要拎張A4紙同小朋友一齊畫出《#口罩下的笑容》之後係 荔枝與孖寶 facebook 專頁上活動的post口罩位置upload小朋友畫作上來就可以參加今次的遊戲啦。

多謝「華光外科口罩」送出高質口罩,願大家在艱難時刻都可以展現出《口罩下的笑容》再次感謝華光外科口罩送出20盒口罩,共價值HKD$3250比我地專頁的讀者,名額10位。

十個獎項方面分別為: 

【5個最具人氣獎】即最多人俾「like」。

【5個評判之選】即由兩位醫生評判選出。

每位得獎者可以得到以下共 3 樣禮品:

1)一盒PRO 3 Surgical Mask (ASTM Level 3) 醫療級三級成人外科口罩

2)一盒PRO Surgical Mask (ASTM Level 1) 醫療級一級外科口罩(中童)

3)獎狀一張

【兩位醫生評判】

1)洪之韻醫生

-兒科專科醫生

-「華光外科口罩」創辦人之一

2)李揚立之醫生

-骨科專科醫生

-插畫師,作品包括 #DrDumo 、#DrP《#抗疫小伙伴》

 

即使帶上口罩,我們埋藏係口罩下的心情都應該被看得見。


更詳細活動細則請到: https://www.facebook.com/laichimama

溫馨提示: 

-  請家長代為保存小朋友A4畫作,如果小朋友被華光評判團選中得獎,由於需要高像素以便印刷口罩盒之用,所以小朋友所繪畫的A4畫作有可能需要寄回生產商以作印刷口罩盒之用。

-《口罩下的笑容》A4畫作,有機會印製成Cambridge Surgical Mask Junior 小童外科口罩 外盒 (但目前未能作最終確認)

博客名稱 荔枝孖媽
簡介 *美國NAHA國際芳香治療師 * 嬰兒按摩及瑜伽指導師 * 中國國家兒童遊戲治療師 * 兒童體適能教練 * 一日之間,成為兩子之母!充滿愛與驚喜。曾經致力遊歷世界唔同的地方,到而家變成致力育兒的雙職媽媽。希望把生活中每一個美好時光都記錄下來。親子育兒,美容扮靚,飲飲食食,購物,好物都想同大家分享! 更希望與大家一起見證孖寶的成長,分享他們生活的大小趣事。 如果有任何查詢/合作想搵我或者孖寶,歡迎去我們的FB專頁https://www.facebook.com/laichimama/ 。又或者email到: cherrywcchan@gmail.com」
內容更正
當前活動:
更正內容:
驗證碼: