+
專題 【喪玩泡泡】BubbleLand Hong Kong
發佈晴朗天 2018/02/21 753

肥皂泡變化多端,大大小小、無拘無束,隨著氣流飄浮,對小朋友嚟講總會有莫大嘅吸引力。無論係啱啱學識行路嘅baby,定係幾歲大嘅小朋友,一見到泡泡都一定會愛不釋手。我哋每次郊遊都會安排時間玩bubble,好喜歡在草地上望住晴朗追bubble果個天真活潑嘅樣子。不過而家玩bubble已經唔再局限於戶外,室內都有得玩,仲有好多唔同玩法添!跟貼啲,跟住嚟睇真啲啦!


BubbleLand位於九龍灣TBG Mall,就響MaBaLAND隔離咋!未入場已經好似置身於泡泡浴中一樣,裝修佈置得好靚!bubble~ bubble~ 我哋嚟喇!*o*


唔好咁心急住啦!小朋友入場嘅時候除咗要先清潔雙手,仲要穿上罩衣。有得玩梗係神速搞掂~

hey~ are you READY???


先嚟一個泡中抱先啦!晴朗企定定響中間,職員就會幫忙拉起一個泡泡罩,好過癮呀!


大人入場都唔係齋陪㗎!睇下晴朗爸爸幾咁落力踩單車?兩父女響度鬥梗泡泡多,一向少做運動嘅老人家又點夠啲後生嚟丫?XD


嘩!無限嘅泡泡任玩唔嬲!gogogo~


在場職員仲會教小朋友點玩添!好好呀!


晴晴好快就學識咗唔同玩法,仲每一次成功都大叫我睇下,勁有滿足感囉!


呢個八爪魚機有風吹上嚟!唔駛用力吹,又唔駛用力潑,就咁將支棒棒放上風機就會吹出泡泡,簡直係不廢吹灰之力~ XD


雞仔泡泡池就好似玩梗bubble bath咁,搓下摸下,將泡泡做成不同形狀好好玩!


揮一揮浸滿皂水嘅大圈圈就可以做出大泡泡,但其實又有慳水慳力之法,就係將佢放過去蘋果形狀嘅風機度,大bubble就會自然出嚟啦!


呢個係響BubbleLand經常會見到嘅畫面,到處都係bubble,就好似置身於bubble世界一樣呀!


朗朗已經玩到勁high!所謂「喪玩泡泡」冇誇張!小朋友響呢度真係會好喪㗎!XD


有人享受於追逐泡泡,有人就樂於製造更多泡泡,成個組合配合得天衣無縫,冇得彈!^o^


單車機、跑步機、彈床......,唔講仲以為自己去咗gym room添!@o@


晴晴勁鍾意跳彈床,今次邊跳邊出泡泡,跳得份外興奮呀!


玩咗咁耐都有啲攰,不如坐低玩啲靜態啲嘅嘢啦!螢幕入面嘅海洋世界有好多魚魚游嚟游去,全部都係小朋友嘅心血結晶~


晴晴都努力填上顏色,創作獨一無二嘅小魚兒,目標係一眼就要認出自己嘅作品!


色彩繽紛嘅小魚誕生囉!只要用呢部機scan條魚就可以放佢入海洋世界喇!


真係能夠一眼就認出自己條魚喎!仲唔快啲拿拿林過去捉住條魚尾?好快游走喇!^o^


揼~ 揼~ 揼~ 務求要整到勁多bubble先得!


其實都唔駛點教,小朋友總會想出自己嘅玩法!晴晴竟然可以一隻手拉起一塊bubble板,跟住嘗試用口吹爆佢,又係一種玩法喎!XD


場內播放住輕快嘅音樂,晴晴都跟住啲音樂邊玩bubble邊跳起舞來,好搞笑呀!XDD


今次呢個bubble罩起得仲高過頭先,玩極都唔厭,辛苦晒後面幫手嘅職員喇!^^'''


晴朗繼續係好忙碌...咁玩,精力無限,放電一流!


玩飽bubble不如去捉魚囉!真㗎!今次去捉真嘅魚,唔係油顏色果啲喎!


我哋好明顯係冇受過訓練啦!3個網話咁快就...穿晒!@@'''


玩到夠!臨走記得去清潔雙手,唔好畀啲泡泡跟埋你走喎!牆邊已經有洗手盆,好方便!


晴晴條七彩小魚貼咗出嚟!成幅牆都係小朋友嘅作品,好壯觀呀!*o*


BubbleLand拜拜喇!咁好玩,遲啲一定要再嚟玩過~

玩又點會覺得夠喉丫?經過隔離發現MaBaLAND開咗間Game Station,梗係要貢入去八下啦!


已經見到有啲小朋友掉梗彩虹,好熱鬧!我哋都要碰碰運氣先~


場內有多部夾公仔機,其實要夾公仔除咗運氣,都需要一啲技巧㗎!


熊仔熊仔,快啲畀我夾啦!哈哈!仲可以訓練埋毅力添!


另一邊廂,朗朗正努力推車仔,就得喇!就得喇!


得咗!成功獲得一架車仔,有人勁開心囉!^o^


晴晴今次要挑戰夾貓貓,差啲唔記得同大家講,呢度啲公仔全部都係日本運送,有啲似去咗日本旅遊feel咁呀!hohoo~


繼續努力,贏多幾架車仔先!玩到呢度...唔好以為已經告一段落,晴朗下場仲有MaBaLAND,就響隔離舖之嘛!由於我哋曾經介紹過,今次就唔花時間再講,有興趣嘅朋友就碌落啲重溫番啦!^^

講到可以喪玩bubble嘅場地,其實外國同內地都已經興咗好耐啦!香港認真有啲追唔上潮流!BubbleLand係全港首創嘅室內大玩bubble場地,終於不再落後喇!1蚊1分鐘,鍾意玩1分鐘又得,玩1個鐘亦得,彈性大而且價錢平,係一個唔錯嘅親子好地方!好欣賞呢度啲職員有愛心,除咗會陪小朋友一齊玩,仲好勤力不停refill啲皂水,值得讚呀!不過場內有多部需要運動配合製作bubble嘅機,如果爸爸媽媽平日少運動嘅就要小心第二日腰酸骨痛喇!見到晴朗成功整出大bubble果個滿足樣,我都好開心呀!但由於地面會比較多皂水,記得提小朋友唔好跑喎!小心地滑!BubbleLand+MaBaLAND+Game Station實在係太強喇!簡直帶旺晒成個TBG Mall!響呢度玩足一日都得呀!我哋一定會再嚟過~ We'll be BACK!!!

精華片段:

你或者會有興趣睇埋我哋上次去MaBaLAND玩嘅情況:
http://blog.xuite.net/chinglongtin/blog/409676486


BubbleLand
Hong Kong

地址:九龍灣得寶花園地下TBG mall (牛下新城) T188舖
電話:3709 2004
facebook:https://www.facebook.com/BubbleLandHongKong


FIND US on:
  "  "   

BLOGs:

 

CONTACT US:

博客名稱 晴朗天
簡介 晴晴、朗朗係我嘅一對寶貝,就讓我和晴、朗一起為大家發掘更多有關飲食、玩樂、培育、美麗、愛既資訊,咁就天天都是晴朗天啦!(≧∇≦)
內容更正
當前活動:
更正內容:
驗證碼: