+
專題 暑假繽FUN夏令營@大樹先生的家
發佈晴朗天 2018/07/16 1,349

小朋友期待已久嘅暑假,終於來臨喇!一個學年勤奮過後,放暑假梗係盡情吃喝玩樂啦!唔知大家為小朋友安排好活動未呢?唔講真係唔知!成日以為「大樹先生的家」只適合7歲以下嘅小朋友,但係今年「大樹先生的家」所舉辦嘅夏令營原來7-10歲都參加得喎!上星期,我哋就係參加6-10歲呢個大group。除咗6歲嘅晴晴外,我見仲有8、9歲嘅小朋友參加。晴晴同啲大啲嘅小朋友一齊玩都玩得好開心呀!上完堂之後仲一齊去波波池同遊戲區度玩添!平時呢度係好少會見到超過7歲嘅小朋友加嘛!今次因為夏令營嘅關係,7歲以上嘅小朋友都可以入去玩呀!
「大樹先生的家 - 暑假繽FUN夏令營」包括有足球班、LEGO班、瑜伽班、魔術班同甜品班,而家就等我哋為大家實地報導一下啦!

我是小小足球運動員

要成為運動員,反應一定要夠!成班小朋友未warm up已經表現得好踴躍投入喇!果然有運動員潛質~


教練陳sir先安排一啲熱身畀佢哋,跑圈、跳步、大字形跳、單腳跳....似乎通通都難唔到佢哋喎!


跟住就一人一足球,親身感受一下踢足球嘅感覺,小朋友都顯得好興奮呀!


晴晴響電視睇過幾場世界盃,好似學到少少姿勢咁喎!XD


熟習咗個足球之後,就正式練習喇!先嚟帶波繞過雪糕筒,技巧係唔可以太快,要先練習控制好個波~


然後就到互相練習,對手嚟梗就要識得帶波避開~


練習完後,齊集埋一齊預備拉筋喇!


陳sir請咗幾位小朋友出嚟做示範,一齊做唔同拉筋嘅動作,大家都好認真喎!


課堂完畢!個個都可獲頒證書一張,好開心!


陳sir係前香港足球代表隊隊長嚟!仲帶埋囝囝嚟做助教,好有heart呀!


課堂後,除咗證書,仲有茶點食,一次過滿足晒三個願望啦!*o*

近期世界盃狂熱,晴晴都變成咗球迷呀!能夠親身接觸踢足球嘅機會,實在太好喇!晴晴話好好玩、好刺激、都有難度,原來足球唔係咁易控制。仲話陳sir好友善,助教Andy哥哥亦都好幫得手!計我話佢哋唔只好人,仲好靚仔添喎!下堂再一齊玩過先得呀!^^

我是小小LEGO認證師

Miss首先簡單介紹大概會砌一個點樣嘅模型,又畀啲tips叫小朋友估,大家嘅反應都好踴躍呀!


識轉動嘅?係車車?唔係喎!


好快就有小朋友估中係風車喇!


老師講解點樣睇說明書,晴晴一向在家都比較依賴哥哥,今次要自己睇,得唔得架?


大家都好努力自己去完成個風車喎!


遇到問題嘅時候,Miss又會過嚟溫柔教導,仲會提供唔同意見,例如加長啲風車葉啦!試下加多啲lego等個風車企得穩定啲咁~


Miss教曉咗之後,越砌越快,差唔多完成喇!hohoo~


風車個型砌好咗,小朋友可以去工具箱揀選更多lego,去為自己嘅小風車加多啲特色~


發揮無限想像力,個個都砌出獨一無二嘅個人風車模型,好滿足呀!


頒證書喇!一班小小LEGO認證師又誕生囉!^^

晴晴初時以為自己砌唔到,但原來都做得到喎!仲好快砌好咗!勁滿足!今堂學識咗睇說明書,又對風車轉動嘅原理了解多咗!要有中心同齒輪,晴晴覺得好好玩、好有趣!仲話Miss靚女,好好人。我都覺得Miss好有耐性,又有愛心!Lego班真係好有啟發性,對於初玩Lego嘅小朋友認真唔錯呀!

我是小小瑜伽師

Miss首先介紹氣球呼吸,好多時都需要運用到呢個呼吸技巧~


熱身過後,做咗啲拉展運動。有啲動作係晴晴未曾做過嘅!唔知點解佢一遇到有啲難度就會不停響度笑,傻咗!XD


唔係喎!原來其他小朋友都係咁,個個都做到笑笑口架!


對於初次接觸瑜伽嘅小朋友嚟講,特別有新鮮感,大家都努力跟住做,好投入呀!


唔只小朋友落力,就連大家都好出力~


梗係啦!話明係親子瑜伽喎!大人當然要更認真,做個好榜樣畀小朋友睇啦!


呢個動作都好考平衡力,但似乎難唔到大家喎!


晴晴同朋友都勇於向難度挑戰,樂在其中~


失敗咗,唔緊要,再努力嘗試啦!


二人一組,你拉完到我拉,好似撐艇仔咁!6歲嘅晴晴同8歲嘅大姐姐都夾得好有默契~


無論大人定小朋友都好畀心機完成每一個動作,氣氛好好呀!


呢個動作又係未試過,小朋友都覺得好好笑,但係腳應該要伸直啲喎!繼續努力、加油!


最後,個個瞓晒響度mi埋眼,Miss慢慢講出一啲情景,大家就幻想自己親歷其境咁,好舒服呀!


我哋都可以成為小小瑜伽師喇!Yeah!!!

晴晴由初時唔知咩嘢係瑜伽,玩過之後覺得有啲動作幾有挑戰性,仲話要番屋企再同我一齊練習下添!有啲動作畀佢踩下,好似按摩咁,又幾舒服喎!瑜伽班過程既輕鬆又搞笑,親子一齊做,就連大人都好投入,大家都玩得好開心呀!

我是小小魔術師

魔術師首先問下小朋友知唔知咩嘢係魔術,小朋友都十分踴躍搶答~


有啲答案好搞笑!唔知點解會講到大人搵嘅錢係咪變出嚟架?又有小朋友突然答搵錢係為咗買樓....咁細個就識呢啲,有僭質呀!XD


魔術師風趣幽默嘅表達方法,一直帶領住課堂嘅氣氛,睇下班小朋友笑得幾開心!^o^


魔術師即將會示範今堂教嘅透視彩虹骰魔術,小朋友都好留心喎!


魔術師再請小朋友出嚟協助示範,幫手嘅小朋友笑到四萬咁嘅口,真開心!


跟住就可以一人一件魔術道具,自己練習下喇!


ma lee ma lee home~ 神奇魔術變變變!個個都擺出一副魔術師姿態咁喎!@.@


小朋友互相練習後,熟習咗就到表演時間啦!


個個小朋友都急於表演畀爸爸媽媽睇,在場不停聽到ma lee ma lee home,氣氛好好呀!


爸爸媽媽有唔明之處,小朋友仲會嘗試講解添!


爸爸媽媽睇見小朋友成個魔術師咁嘅口吻同動作,都忍唔住笑咗出嚟!好開心呀!


最後,魔術師仲邀請兩位小朋友出嚟做表演,大家反應都好熱烈,勁有表演慾囉!XD


小小魔術師開始表演喇!學習咗短短一小時就變得咁有台型,小朋友學習能力真係好高呀!


去到課堂尾聲,班小朋友已經同魔術師熟晒!仲話想落堂後可以同魔術師一齊到波波池玩添!


玩還玩,唔好唔記得攞證書呀!遊戲中學習真係最易入腦,一班小小魔術師出爐,好熱鬧呀!


晴晴話個魔術易學,老師亦非常畀心機教,又搞笑!學得好開心!仲話想番屋企表演埋畀爸爸同哥哥睇添!


老師的確好好人,睇見成班小朋友歡送老師走就知佢幾得小朋友心啦!

魔術班氣氛輕鬆搞笑,小朋友邊玩邊學,好快就學識咗箇中竅門,之後仲即場表演番畀爸爸媽媽睇,我哋一班大人都樂在其中。小朋友能夠完成一個魔術,又攞到成功感,真係玩到唔捨得走呀!

「大樹先生的家 - 暑假繽FUN夏令營」嘅課程,除咗學習,仲有證書、茶點同可以到遊戲區玩樂。講到玩,小朋友實係自動波啦!課堂前後總會響波波池或遊戲區見到佢哋,做小朋友真係太開心喇!

暑假都仲可以keep住同同學仔一齊玩,睇下佢哋玩得幾咁忘我?除咗玩,又可以學到嘢,仲可以發揮無限創意,「大樹先生的家 - 暑假繽FUN夏令營」認真唔錯!如果帶埋細佬妹一齊嚟嘅話!細嘅可以到遊戲區盡情放電,唔駛怕悶或者怕佢哋搞搞震。炎炎夏日,簡直係暑假遊玩嘅好地方呀!值得推介!

夏令營第1個星期係for啲3-5歲嘅小朋友,第2個星期就for啲6-10歲嘅!之後就梅花間竹咁,課程會一直開到去8月尾,如果想知多啲,可瀏覽以下網址:

「大樹先生的家 - 暑假繽FUN夏令營」
https://mrtreesummer.weebly.com

大b group嘅小朋友可以再次到「大樹先生的家」嘅遊戲區同波波池玩,重拾幼兒時嘅樂趣,簡直係6-10歲小朋友佳音!大家都快啲嚟參加啦!


大樹先生家 Mr. Tree」香港店
地址:荔枝角長順街15號D2 Place Two 1樓
訂位專線:3184-0033
大樹先生官網:http://www.mrtreegroup.com
facebook:https://www.facebook.com/Mr.Tree38HK

※ 大樹先生保留隨時變更、修改活動及最終決定之權利。


FIND US on:
  "  "   

BLOGs:

 

CONTACT US:

博客名稱 晴朗天
簡介 晴晴、朗朗係我嘅一對寶貝,就讓我和晴、朗一起為大家發掘更多有關飲食、玩樂、培育、美麗、愛既資訊,咁就天天都是晴朗天啦!(≧∇≦)
內容更正
當前活動:
更正內容:
驗證碼: