+
專題 芳療小分享: 流感高峰期 如何以精油保健 助防護力UP UP UP
發佈荔枝孖媽 2019/01/24 173

流感由冬季開始逐漸上昇,疫情持續,呢D重要時候當然係要提升免疫力! 一般提昇免疫力最常見都係補維他命C,多運動,有良好衛生習慣,充足休息。當然使用芳香療法在居家擴香,及使用亦都係保護自己同家人很不錯嘅方法啦。其實植物體本身都有住防衛物質,而且好多都具有殺菌、對抗感染嘅功效,常見用於強化免疫系統功能,提昇身體自癒能力嘅保健作用。

只要大家用對精油,自然可以抗菌,提升免疫系統,適當地應用芳香療法,讓你無論係家居,公司都可以增強免疫力。

大家都感覺今期嘅流感超兇猛,而且威力強,數百間幼稚園係星期一已經開始停課,所以大家係出門時或去人多地方個陣,都記得帶口罩,以保護自己。仲有同屋企家人提醒一下,要注意健康。當然大家亦可以為自己同家人朋友預備定1支,你自己用心調配「保健傍身油」守護自己同家人啦。

DIY「保健傍身油」:

村料:

綠花白千層精油 Melaleuca Quinquenervia Essential Oil - 2 Drops

藍膠尤加利精油 Eucalyptus Globulus Essential Oil - 1 Drops

百里香精油 Thyme Essential Oil - 1 Drops

玫瑰草精油 Palmarosa Essential Oil - 2 Drops


以30ml 綜合複方純植物油 混合以上4 種精油在一起使用,有需要亦可以加入roll on樽,成為滾珠方便使用。


使用方法:

將「保健傍身油」搽係鼻嘅四週,頸部、前胸、上背部。

搽完之後唔好浪費,將雙手剩餘嘅精油放在口鼻嗅吸。


其他建議可用嘅精油:

Rosemary Essential Oil 迷迭香精油

Ravintsara Essential Oil 羅文莎葉精油

Tea Tree Essential Oil 茶樹精油

Myrtle Essential Oil 香桃木精油

而以下幾款精油,係精油四象限中界於三四象限之間,具有強大嘅陽性特質。呢類精油都有一個共同特色,就係有強大嘅抗菌力,所以都好適合用黎做呼吸道感染嘅預防,同時亦有激勵身體機能嘅效果。

Eucalyptus Globulus Essential Oil 尤加利精油、Ravintsara Essential Oil 羅文莎葉精油、Rosemary Essential Oil 迷迭香精油、Myrtle Essential Oil 香桃木精油、Melaleuca Quinquenervia Essential Oil 綠花白千層精油、Hyssop Essential Oil 牛膝草精油。

另外,日常係屋企都可以配合超聲波精油擴香機在室內擴香,這樣可以有效將精油嘅抗菌及抗病毒效果擴散至空氣中,日常我喜歡以含有Clove丁香、Lemon檸檬、Cinnamon肉桂、Eucalyptus Radiata尤加利、Rosemary迷迭香成份嘅複方精油在家中及車箱擴香。

除此之外,按芳香治療師配方中精油用量來浸浴,浸浴係可以促進大量排汗,從而令你得到深沉而放鬆嘅睡眠。當身體不適時有優質嘅睡眠,令身體得到充分嘅休息,抵抗力自然亦會增強啦!

當然浸腳亦係另一個選擇,只要按芳香治療師配方中精油用量去浸腳,記著溫水量到足踝最好,浸15 mins以上,既可以促進血液循環,又可以安撫緊張情緒,緩解疲勞,當然亦有助睡眠。

P.S. * 綜合複方純植物油內含椰子油、芝麻種子油、葡萄籽油、甜杏仁油、小麥胚芽油、向日葵籽油、橄欖果油成份。

* 慣用精油者,可以按實際需要將 DIY「保健傍身油」比例調配成2%亦可。

小心選擇,因為精油品質係非常重要。

最後提提大家,其實提升免疫力都係要由平日根本每天做起,自己習慣每天飲用超強抗氧化嘅健康飲,提升身體,同時對抗自由基。另外,日常盡可能有充足睡眠、最理想每日8小時以上,當然要保持均衡飲食,多食蔬菜、水果,盡可能每星期最少運動3次、每次最小30 mins以上,而且要達到心跳加快、流汗嘅程度。羅馬不是一天建成,預防永遠勝於治療,日常以芳香療法保健亦係必不可小的。

Last but not least長氣都要再講,流感流行期間,如果可以儘量少到公共場所,打噴嚏、咳嗽個陣如果真係未戴上口罩,都要用手摀住,避免手指沾到病毒,之後唔為意附咗係其他物件度(e.g. 電梯按鈕,扶手等),再傳染比其他人,經常洗手亦都係好重要,或者係街唔方便有水可以用來洗手時,就用返之前同大家分享過,DIY消毒搓手液來潔淨雙手。

祝願大家身 心 靈健康!


我和孖寶的Facebook Page: 荔枝與孖寶 

 

 

 

 
關鍵字
博客名稱 荔枝孖媽
簡介 *美國NAHA國際芳香治療師 * 嬰兒按摩及瑜伽指導師 * 中國國家兒童遊戲治療師 * 兒童體適能教練 * 一日之間,成為兩子之母!充滿愛與驚喜。曾經致力遊歷世界唔同的地方,到而家變成致力育兒的雙職媽媽。希望把生活中每一個美好時光都記錄下來。親子育兒,美容扮靚,飲飲食食,購物,好物都想同大家分享! 更希望與大家一起見證孖寶的成長,分享他們生活的大小趣事。 如果有任何查詢/合作想搵我或者孖寶,歡迎去我們的FB專頁https://www.facebook.com/laichimama/ 。又或者email到: cherrywcchan@gmail.com」
內容更正
當前活動:
更正內容:
驗證碼: