+
專題 芳療小分享: 冬季芳療保養
發佈荔枝孖媽 2019/12/09 191

冬天又來到了,我地身體會為咗防止熱量流失,血管自然收縮,所以血液循環亦會變慢,無形中令代謝循環變差,自然令好多人,特別係女性會開始覺得手、手腳容易涷。再者冬天會因為皮膚缺水而變得乾燥,令人痕癢,更會出現皮膚龜裂現象。你都有試過冬天經常都會出現乾燥細紋、周身搔痕,甚至紅腫過敏嗎?

芳香療法之所以為大家所喜愛,主要原因係因為處理彈性好大、配搭唔同精油可以做出很多變化,只要識得因應唔同季節改變配方,就可以用得合時又便宜。

再者,冬天我地嘅呼吸系統都會變得特別敏感;大家都可能覺得會比較易感冒,皮膚乾痕,甚至可能好易就周身酸痛、怕涷等。如果你都有類似問題,芳香療法中的擴香跟浸浴就可以成為你冬天最好嘅保養方式。

我們可以日常係屋企,車箱中配合超聲波精油擴香機係室內擴香。如果在外旅遊沒有超聲波精油擴香機跟身,亦可以在在熱水中滴入1、2滴Lavender Essential Oil 薰衣草精油,或Peppermint Essential Oil 薄荷精油,再放到鼻前吸嗅,你都發現過敏問題都可以得到舒緩。

另外,相信大家都知道保暖就係冬天嘅保養重點,冬天最緊要就係提升身體的溫度,延長身體保溫能力,改善冬天循環較慢嘅問題,加快代謝廢物同淨化身心嘅作用,滋補暖身來提升我們身體活力。所以同樣多在室內擴香diffuse一些溫暖感精油,就好似Juniper Essential Oil 杜松精油、Cinnamon Essential Oil 肉桂精油、Ginger Essential Oil 薑精油、Coriander Essential Oil 芫荽精油,既可以提升室內溫度,亦可以同時提升身體平均溫度;浸腳或者浸浴都係可以令肌肉放鬆,增進循環,提升身體代謝;配合精油按摩更加可以改善手腳冰冷同浮腫情況。

日常以精油按摩同時亦可以改善冬天乾燥皮膚嘅問題,不妨考慮以Lavender Essential Oil 薰衣草精油,Petitgrain Essential Oil 苦橙葉精油來平衡皮脂分泌,同時亦可以促進細胞再生;而加上 Chamomile Essential Oil 洋甘菊屬嘅精油,因為Chamomile精油中含有豐富嘅天藍烴,既可以幫助止痕,亦可以同時減緩發炎症狀,都係好適合係冬季用來做皮膚保養嘅精油。

冬季係五行中屬水,五行中水主掌腎及膀胱,腎臟其實係關係到人體生長、發育同埋生殖功能,所以係冬天,腎氣的補足,再加上防寒係好重要!平時可以飲多 d 薑湯暖身之外,亦要注意保暖,特別係背部、頭部,同埋腹部。

最後提提大家,對於皮膚的乾燥龜裂亦可以成份全天然,無添加嘅乳液或乳霜中加入Patchouli Essential Oil 廣藿香精油都係好有效改善皮膚乾燥呀!

唔單止可以保養皮膚,仲可以令你成個冬天都香氣逼人呢!

 

關鍵字
博客名稱 荔枝孖媽
簡介 *美國NAHA國際芳香治療師 * 嬰兒按摩及瑜伽指導師 * 中國國家兒童遊戲治療師 * 兒童體適能教練 * 一日之間,成為兩子之母!充滿愛與驚喜。曾經致力遊歷世界唔同的地方,到而家變成致力育兒的雙職媽媽。希望把生活中每一個美好時光都記錄下來。親子育兒,美容扮靚,飲飲食食,購物,好物都想同大家分享! 更希望與大家一起見證孖寶的成長,分享他們生活的大小趣事。 如果有任何查詢/合作想搵我或者孖寶,歡迎去我們的FB專頁https://www.facebook.com/laichimama/ 。又或者email到: cherrywcchan@gmail.com」
內容更正
當前活動:
更正內容:
驗證碼: