+
專題 泰國親子遊之 華欣中心地帶便捷酒店 性價比高的住宿分享
發佈荔枝孖媽 2018/07/13 1,509

我地去華欣其實都想感受下在地人都喜愛的Cicada創意市集,所以知道呢間酒店好近weekend的市集,自然列入我地考慮之列。

 

 

The Lapa Hua Hin係三層樓結構的酒店,因為我家先生去亞洲地區的酒店都喜歡游水,雖然今次同孖寶一齊,未必真係可以好多機會游到。畢竟2個小人都要我地睇住。但我特登揀咗地下樓層pool access的房型比我家先生,方便他一出去就可以游水。

 

 

 

其實佢地仲有比較平價的Lapa Superior, Lapa Delite等都係位於酒店的2、3樓,好像空間感亦是不錯的唷。不過只係我想比孖爸relax下,一出去就係泳池所以特意選 pool access的房型。

 

 

 

Pool Access房間整體空間都好寬敞,我地揀的Pool Access房好像是有452 平方呎。而且燈光微微透光下,真係令人心情放鬆。

 

 

 

我個人覺得呢間飯店都算抵,因為係包埋早餐,再加上服務人員真係唔錯架。記得當晚我生日,我地出遊到好夜先返酒店,服務人員咁夜都仲特登搵人拎個生日蛋糕比我地慶祝。

而且我地租的車泊在酒店外,早上有太陽時都會主張幫我地包好架車,好貼心的服務,呢點係無價呢!

 

 

 

The Lapa Hua Hin重有一個大賣點就係緊接住華欣最大的商場Bluport,我地帶住小朋友的無論去食野,定係買必需品都好方便,而且酒店設施一應俱全,仲有為小朋友而設的kids room,細就係細d,不過有時想係酒店休息下,有個kids room比小朋友玩下都係不錯的呢。佢正正對面就係洲際酒店,所以以地點來講真係絕對物超所值!

 

 

 

酒店大廳對面就係Bluport商場的側門,過一條馬路就已經係商場,勁方便,酒店亦有自家接駁車服務,每日整點帶大家去唔同的地點。我地就係Bluport商場的MK度打邊爐啦,因為打邊爐的食物岩2位小朋友,呢間MK我地係曼谷時都有去過呢。

 

 

 

 

雖然早餐食物質素和同擺設就唔算太吸引,不過整體用餐氣氛其實亦OK,因為室外座位就已經直接可以近距離望到泳池,令人好放鬆都幾岩親子出行架。

 

 

 

泳池空間都幾大,而且仲有部分仿沙灘設計,孖寶好喜歡係度玩沙,加上泳池邊有個小型兒童遊戲室,所以都係一間岩親子度假的酒店。

 

 

 

佢地仲有個細池for小朋友玩。

 

 

華欣Lapa Hotel地理位置極佳,周邊的配套亦好好,交通便利,酒店設施應有盡有,酒店房間價格又唔貴,我覺得係華欣親子自由行一個不錯的選擇!

 

 

 


值得推薦比大家!


The Lapa Hua Hin Hotel

Address: 4/115 Phetkasem Road,Hua Hin,Prachuap Khiri Khan 77110

Tel: +66 (0) 3251 3222

Website: http://thelapahotel.com/

Email: rm@thelapahotel.com


我和孖寶的Facebook Page: 荔枝與孖寶 

 

我和孖寶的 Instagram IG#: laichimama

 
關鍵字
博客名稱 荔枝孖媽
簡介 *美國NAHA國際芳香治療師 * 嬰兒按摩及瑜伽指導師 * 中國國家兒童遊戲治療師 * 兒童體適能教練 * 一日之間,成為兩子之母!充滿愛與驚喜。曾經致力遊歷世界唔同的地方,到而家變成致力育兒的雙職媽媽。希望把生活中每一個美好時光都記錄下來。親子育兒,美容扮靚,飲飲食食,購物,好物都想同大家分享! 更希望與大家一起見證孖寶的成長,分享他們生活的大小趣事。 如果有任何查詢/合作想搵我或者孖寶,歡迎去我們的FB專頁https://www.facebook.com/laichimama/ 。又或者email到: cherrywcchan@gmail.com」
內容更正
當前活動:
更正內容:
驗證碼: