今次我地去位於天水圍的H2OPE Centre，呢個係水務署的水資源教育中心，展覽面積超過720方米，場內有12個展區可以免費比大家參觀，設有54項與市民生活息息相關的展品，係一個比小朋友寓學於樂的好地方。

水知園展區是以深入淺出的方式、通過展品、小電影、現場示範及互動遊戲，比大家可以更了解水，以達到節約資源和節約用水的重要訊息。展區內亦有立體球幕影院，利用立體影像，將有關水資源的資訊以富動感的形式呈現係大家的眼前；以加深對水資源和水循環的認識。

當中小朋友玩都唔捨得走的一個展區，絕對非的「水 + 循環」展區莫屬呀，小朋友可透過玩水，親身體驗水的循環過程，唔止孖寶呀，就連大人都玩到樂而忘返呢。

特別一提因為疫情關係，水知園 H2OPE 教育中心剛剛重新開放預約，所以目前還沒有導賞團啊！但場內嘅職員都很有耐性會在旁講解，幫助加深大家的認識。

如果你都想透過遊戲比小朋友親身體驗水循環過程，幫助小朋友更識水、惜水，咁水知園絕對係一個集教育及娛樂於一身嘅親子好去處呀。

大家記得提前預約呀，立體球幕影院的場次亦都係預約入園的時候同時book埋就可以了。

🔺水知園 H2OPE Centre🔺 

地址：天水圍天柏路20號水務署天水圍大樓 

費用：免費入場參觀，全免

開放時間：請參考官方網站，因應疫情可能有所更改的呀!

登記預約時間：https://www.h2opecentre.gov.hk/tc/home/index.html

我和孖寶的Facebook Page: 荔枝與孖寶 

我和孖寶的 Instagram IG#: laichimama