相信大家都有可能聽過聖經裡提到有關乳香的故事，最近孖寶學校的書本都是在12月這愛的節日教緊小朋友講述這聖經故事。你還記得嗎?

聖經中記載耶穌基督係伯利恆後誕生之後，東方三博士前來朝聖，帶來了三樣禮物：黃金Gold、乳香Frankincense 與沒藥Myrrh。乳香Frankincense即為耶穌基督誕生的贈禮之一。

乳香精油 Frankincense Essential Oil，拉丁學名Boswellia carterii ，屬於欖欖科。係古埃及時期，乳香被作為祭祀的重要素材；同時中西方皆有記載乳香嘅療效和用法，本草綱目敘述乳香：「消癰疽諸毒，托裡護心，活血定痛伸筋，治婦人難產，折傷。」，而西方則將乳香用做消炎、殺菌、鎮定，促進細胞再生。

乳香之名由來係關係到其採集過程，乳香精油係蒸餾自乳香樹幹中嘅樹脂，由專業嘅採集工人在樹皮上劃上割痕，流出乳白色水滴狀的樹脂汁液，汁液隨後便會凝結風乾成琥珀色的水滴狀固體，最後用以蒸餾方式萃取出乳香精油，所以乳香精油Frankincense Essential Oil真係好珍貴，係我每天都珍而重之地用嘅一支精油。我覺得佢嘅香氣係濃郁又持久嘅樹脂類精油，慢慢嗅吸，你不難發覺當中淡淡嘅木質松香味，又彷彿帶著些檸檬酸嘅香氣。

乳香精油Frankincense Essential Oil係一支極實用嘅精油，無論係幫助維持身體嘅舒適，還是令皮膚滋養老化，活化皮膚細胞、促進傷口癒口，當然很多芳香治療師亦會用來幫助袪痰、止咳、抗黏膜發炎等。

我地係香港亞熱帶潮濕嘅氣候環境下，好多人都會有鼻子過敏嘅情況，最近見到好多查詢嘅朋友都係感冒過後，由於深層嘅發炎部位，難以恢復而導致久咳不癒。再加上季節變換，室內外溫差比較大，可能令喉嚨嘅抵抗力都慢慢開始下降，更進一步就好容易影響睡眠品質，間接令精神狀況不太理想。 

我自己其實每天早上都會用到乳香精油的，以下不如就同大家分享一個超簡單嘅DIY啦。

DIY 呼吸暢快按摩油：

村料：

7滴 Cedarwood Essential Oil 北非雪松精油

8滴 Frankincense Essential Oil 乳香精油

30ml 綜合複方純植物油 混合以上2種精油在一起使用

用法：

可以按摩於喉嚨及胸口嘅位置，亦可以直接吸入以助舒緩。

不得不提乳香精油同時對心理亦有出色嘅功效，既可以淨化撫慰心中不安，亦可以穩定舒眠，當然對皮膚都很有幫助啦，因為乳香具有收斂嘅特性，能夠平衡油性皮膚，收緊毛孔，改善鬆弛，淡化皺紋，恢復肌膚彈性，絕對同時係美容能手。

大家都一齊動手DIY呢支呼吸暢快按摩油，幫自己同小朋友按摩，其實每天按摩嘅時光，亦係很好嘅親子時光，令父母同子女之間嘅關係更緊密呢。

我和孖寶的Facebook Page: 荔枝與孖寶