專題
小JM愛玩樂。反轉黃埔天地。MALLnival「狂歡萬聖哈囉喂」
一年一度嘅萬聖節、哈囉喂即將來臨，你地又準備好四出去嚇人未呢？
尋日小JM同表妹仔一家就約埋米米家一齊去咗黃埔天地玩，諗住挑戰下一班嘩鬼咁話喎!
VIDEO:
係今個哈囉喂黃埔天地將會為你帶來一個既驚嚇又歡樂 MALLnival「狂歡萬聖哈囉喂」，
場內設有多達11款應節主題嘅攤位遊戲，包括2米半高巨型夾公仔機、趣怪冰壺、怪物獵人射擊及各種投擲遊戲。
同時亦設置咗Switch遊戲區俾大家率先免費試玩十月初推出嘅全新超級瑪利奧遊戲《Super Mario Party》，
唔單止咁，場內仲會有嘩鬼巡遊大派糖果及萬聖節印水紙添架。
而今次亦會有遊戲券「多買多賞」計劃，大家自然玩得輕鬆又開心啦！
嘩鬼同遊哈囉喂
日期 ：2018年10月27及28日
時間 ：下午2時至晚上6時
聽完簡介係咪覺得好吸引呢？
事不宜遲，就由小JM及表妹仔一家帶大家一齊睇下有咩好玩嘅遊戲及獎品啦！
事不宜遲，就由小JM及表妹仔一家帶大家一齊睇下有咩好玩嘅遊戲及獎品啦！
以下呢啲都係表妹一家及小JM一齊贏得嘅獎品。
彈珠機剛好係兩個不同款式，
有小JM爸喜歡嘅籃球;亦有舅舅喜歡嘅足球!
攤位遊戲簡介：
1.) 扔彩虹 （1張遊戲券可兌換5個遊戲代幣）
好玩指數：***
扔彩虹相信大家都玩過，亦係經典攤位遊戲之一。
而今次扔彩虹最矚目嘅莫過於新增設嘅「一擲千金扔彩虹」一環，
只要買一張特別遊戲券，就可以兌換100個代幣俾你點扔都得！
而且現場仲會有人幫你影一張「即影即有」，成功贏到特獎仲可以貼上龍虎榜添架！
2.) 別有洞天 （2張遊戲券可兌換5個波波）
好玩指數：***
要將球碌入顏色圈並停留先算成功架！
唔好以為睇落好小兒科，真係少啲運氣同技巧都好易食白果架！
3.) 籃球大「屍」 （2張遊戲券可兌換5個籃球）
好玩指數：****
平時打籃球你可以跳、可以拋、可以點射都得，
但係呢度你就要運用智力同腦力去諗下點可以入到波而唔彈走晒。
4.) 飛入鬼洞 （2張遊戲券可兌換5個飛碟）
難度指數：*****
要拋出飛碟穿過指定分數欄！考你眼界及手腕準繩度！
5.) 巨型夾公仔機 （1張遊戲券即可挑戰一次）
好玩指數：**
2米半高嘅巨型夾公仔機，彷如將所有物件都放大晒一樣！
每個蛋入面都裝住一份份唔同嘅禮物，想知係咩？
你都快啲來試下夾啦！
成功係巨型夾公仔機夾到波波嘅話仲可以係旁邊嘅細機一再挑戰添架！
6.) 滾動南瓜球 （2張遊戲券可兌換5個乒乓球）
難度指數：*
用乒乓球碌中指定分數即可中獎!
考技巧之餘亦要講運氣!
7.) 鐵罐能手 （2張遊戲券可兌換5個豆袋）
難度指數：****
有5次機會將枱上嘅 5個鐵罐擊倒方為贏！
以眼界、力度與準繩度為首要!
8.) 怪物獵人射擊 （2張遊戲券可兌換5發子彈）
難度指數：***
需要以膠子彈穿擊鬼怪圖案以取得分數。
得到指定分數就會有禮物架啦！
9.) 趣怪冰壺 （2張遊戲券即可換領6個冰壺球）
難度指數：***
將冰壺推出並停留係得分區即可贏得獎品，
考驗係嘅眼界、力度與技巧。
黃埔天地 x MALLnival「狂歡萬聖哈囉喂」
日期 ：2018年10月13日至10月28日
時間 ：1pm ~ 8pm（星期一至五）
12noon ~ 9pm（星期六、日及公眾假期）
地點 ：黃埔天地時尚坊MTR層（港鐵黃埔站C1出口）
遊戲券售價：
遊戲券1張 HKD$10
遊戲券套票11張 HKD$100
特別遊戲券1張 HKD$100
遊戲券換領時間：1pm ~ 7pm（換完即止）
遊戲券換領地點：黃埔天地時尚坊地下禮賓處
遊戲券換領方法：
顧客憑黃埔天地任何商戶消費滿港幣$200或以上之即日單一機印發票，即可免費參與指定遊戲乙次（特別遊戲除外）。每日數量有限，換完即止。每人每次最多只可換領遊戲券乙張。
其他專題
博客名稱
傑。斯與晴
簡介
前Playgroup導師新手在職媽媽,喜歡以文字作紀錄
細數與小JM生活中既點滴動人時光及成長經歷與體驗
喜歡分享育兒逸事、幼兒食譜、親子旅行及遊玩資訊
以及回顧媽咪懷孕以來既種種經歷與點滴
人氣專題
專題標籤
