專題
小JM愛玩樂。反轉銅鑼灣。Planet J Kids夏日親子運動會
夏天熱辣辣唔想外出但又想陪小朋友做下運動？
無問題，來銅鑼灣Planet J Kids親子樂園就幫到你啦！
Planet J Kids將會舉辦一個「夏日親子運動會」俾大人同小朋友一齊參與，咁就既可運動之餘又可以享受親子樂啦！簡直係一舉兩得，WIN WIN雙嬴添！
今次係我地第二次到來Planet J Kids架啦，發現原來啲擺設都同之前有少少改變添。
似乎係要為夏日親子運動會作準備呀！
夏日親子運動會舉辦期間Planet J Kids嘅五個不同區域將會變成一個個刺激又好玩嘅「運動項目」。
而且每個項目都好講求大人同小朋友嘅配合，要大家協力完成架！真係夠晒互動又具親子元素呀！
仲要一價錢就可以玩埋運動會再全日任玩添。
每個參賽家庭都會收到一本PASSPORT及一個選手包添架！
選手包內包括有：Planet J Cap帽、Planet J角色公仔、毛巾及水印紋身貼紙。
我地即刻去片一齊來睇下我同小JM點樣過關斬障礙完成所有項目啦！
VIDEO:
參賽家庭完成晒各個項目之後仲會得到獎牌及獎狀添架！
事不宜遲，即刻來同大家簡介一下各個比賽項目啦！
(難易度以五星*為最難)
1.) 波波海– 動物騎術賽
難易度：*
玩法介紹：
小JM要騎住動物水泡出發到指定地點拎拼圖再返去起點，
將拼圖交俾媽媽或自己拼湊成完整圖案。
2.) 奇幻互動地帶– 親子投球賽
難易度：*
玩法好簡單，家長要坐係水泡上並於限時內將波波扔向屏幕取得指定分數。
真係要同心合力先可以快手快腳完成架。
3.) 太空彈步– 親子田徑賽
難易度：***
呢個遊戲可能睇落有啲難，但我同小JM都覺得好玩又刺激。
先係用二人三足方式係Air track上來回一次，
再進入滾筒，滾一個來回就完成架啦！
既考默契又考合作性嘅一環！
4.) 創意積木城– 尋寶「砌」高賽
難易度：***
小朋友需要去尋找軟積本，再帶返去指定地點並疊高到指定高度方為完成。
目的係要增強小朋友嘅探索能力，及學習與爸媽分工合作。
5.) 勇氣之丘–攀岩大賽
難易度：****
最後一項，亦係最考驗體力及爸媽同小朋友合拍度嘅項目之一！
小朋友要爬上攀石牆並登上頂好，再按燈號，限時內按著所有燈號就完成啦！
爸媽就需要係小朋友背後化成支柱，去支援小朋友登頂！
【儲印仔換禮品】
記得!記得!記得!
每完成一個項目之後記得俾本PASSPORT負責嘅人員呀，
佢地會幫你蓋印做紀錄，儲齊五個仲可以換禮物添架！
而且每完成一個項目後蓋完印仲會有小禮物作獎勵架！
運動會資訊
日期及時間：
2018年8月11日(週六) 上午10:00 – 中午12:30
(運動會完結後，參加者可繼續任玩日常項目)
報名費：$250/組 (包1名小童 + 1名成人，費用已包括基本入場費)；
如有額外成人，每位收費$100)
小童參加者年齡：3 – 8歲
舉行地點：Planet J Kids(銅鑼灣皇室堡13樓)
報名方法：到Facebook專頁進行網上報名(https://tinyurl.com/yd5x44xp) 或 親臨Planet J Kids報名
其他專題
博客名稱
傑。斯與晴
簡介
前Playgroup導師新手在職媽媽,喜歡以文字作紀錄
細數與小JM生活中既點滴動人時光及成長經歷與體驗
喜歡分享育兒逸事、幼兒食譜、親子旅行及遊玩資訊
以及回顧媽咪懷孕以來既種種經歷與點滴
人氣專題
專題標籤
