澳門銀河酒店，外牆裝修都係金碧輝皇，都係呢幾年幾HIT嘅酒店。而最出名絕對就係「天浪淘園」。因為佢有最好玩、最刺激、最適合幼兒玩嘅水上遊戲及設施。

「天浪淘園」其實有分兩邊，一邊係白沙沙灘、衝浪池，而另一邊就有激流。

而我哋今次重點係喺「天浪淘園」其中空中衝浪池及白沙沙灘到玩。

[空中衝浪池]

佢係全球最大嘅空中衝浪池，面積廣達8,000平方米，每天有數次人造浪環節，最高可翻起1.5米高的人造海浪。

▲ 因為和牛B未識游水，所以我哋主要都在岸邊玩水

▲ 感受人造衝浪

[白沙沙灘]
擁有兩個150米的白沙沙灘，一個臨近「銀河酒店™」，一個臨近澳門麗思卡爾頓酒店。

▲  一排嘅太陽椅，老公陪住個女去玩，我就可以嘆世界。

▲  大家記得帶玩沙套裝，如果無帶唔緊要，更衣室對出有一間精品店有售。

▲另一邊仲有無邊際泳池

▲游水仲可以去呢到嘆返杯，不過當日無開呀

[幼兒最愛嘅玩水區]

*不過水有少少凍，可能當日已經差唔多下午4點，無乜太陽。

▲ 周圍都噴水

▲ 池水好淺，可以讓和牛B感受浮水嘅感覺

▲ 噴水彩環

另外園區，從官網睇到以下嘅資料; 

全球最長空中激流
全長575米的透明滑水道。更免費提供泳圈，讓你可懶洋洋地隨波漂流。

澳門首個及唯一的衝天激流
綠色、紫色、橙色三條滑道隱藏在石洞內、高達9米的滑水天梯，為你的衝天體驗帶來無限樂趣。

兒童水上遊樂區
專為年幼孩童而設的水上遊樂專區。此專區包括迴圈噴水、玩水山谷及戲水塔，讓小朋友玩得不亦樂乎。

空中花園
在充滿休閒渡假風情的天浪淘園內，你可悠然漫步欣悅醉人的蹊徑，身心全面放鬆，坦然舒暢。

[設施及配備]

▲ 仲有提供救生衣

▲ 更衣室外，仲有與游水相關嘅商品出售

嚟到酒店玩水，當然最方便就係有好完善嘅更衣、淋浴嘅地方。如果無帶毛巾，仲可以喺更衣室內免費拎毛巾。至於更衣室Locker方面，更衣室入面係有設置租用嘅Locker，細嘅MOP20，大Size嘅MOP60。

＊溫韾小提示＊
因為我哋係住澳門百老匯酒店，雖然係同屬一個集團。但如果想去天浪淘園玩嘅話，就要行得比較遠少少。所以我建議大家帶齊「乾」嘅衣物等玩完水有得替換，至於毛巾、洗頭水、沖涼液，如果唔介意就可以用返酒店更衣室提供嘅，就可以拎少啲嘢。

銀河酒店入面到處到會見到呢個哈哈笑公仔，而呢個花園入面仲有好多表情嘅哈哈笑～

到處也能留倩影，影低小朋友成長嘅每一刻。

[澳門銀河Galaxy Macau x 天浪淘園]

地址: 澳門路氹城「澳門銀河」綜合度假城
電話: +853 2888 0888

https://www.galaxymacau.com/zh-hant/