+
專題 【新年活動好去處】WE嘩!STEAM太空城慈善嘉年華 @青衣體育會足球場
發佈傑。斯與晴 2019/02/06 1,176
我地小JM家尋日受邀請出席咗位於青衣體育會足球場所舉辦嘅 「WE嘩!STEAM太空城慈善嘉年華」試玩活動,仲率先體驗咗場內各種不同程度嘅遊戲添!
如果你都想開心HAPPY過好年就快啲一齊來玩下,順便過返個 刺激又好玩 嘅新年啦!
 
今次嘅活動除咗有超過20種充氣及體能遊戲之外,仲會有同S.T.E.A.M有關嘅遊戲體驗!
主要係想透過遊戲去刺激及啟發小朋友腦部思維及作多元化學習添架。
十數款嘅遊樂設施就最啱俾小朋友們放電!
 
小分享:
今次嘉年華仲會將部份收益撥捐「香港移植運動協會」,協助該會推廣曾經接受器官移植人士參與體育活動,從而令佢地可以更積極和樂觀面對人生,亦可以藉此向大眾宣揚器官捐贈之訊息及器官移植知識。
 
事不宜遲,即刻為大家介紹一下埸內各項好玩嘅設施啦!
VIDEO:
 
 
 
遊戲簡介:
宇宙探索車

係縮小版嘅天秤機,仿真度亦係極高架。
小朋友可能坐入控制室,嘗試操控天秤吊臂以吸起不同星體。
 
探索穿梭機

高11米嘅探索穿梭機設有新式旋轉形滑道,
將滑落時旋轉力、離心力融合,速度更加更加刺激。
 
UFO探險歷奇之旅

UFO探險係集彈床、攀爬及滑梯於一身嘅大型充氣組合。

彈床寬闊,同時設有攀爬滑梯!滑梯速度都唔錯架!
 
We嘩! 探月火箭

一個考驗小朋友膽色,而且可以鍛煉平衡力及肌肉嘅遊戲。

想要入去就要先衝過一個風口位,再經過障礙物先可以去到滑梯架!
 
嘩啦嘩嗱!撐艇仔  

之前小JM未夠高無份玩,今次終於都可以一嘗撐艇仔啦~

估唔到小JM又會識得操控艇仔嘅方向同速度喎!
爸爸同我都嚇咗一跳~
 
太空挖掘樂

依照原型仿製嘅縮小版挖泥機,仿真度極高,可以從中體驗運作及操縱挖泥機。

^小JM果然係女漢子無誤!

小朋友可嘗試操縱挖泥機將波波盛滿一整個籃子喔!
 
星際列車

列車內設有一個彈床區及滑梯,小朋友可隨意彈跳放電!

 
花花世界

花花世界嘅設計有如小樹林,樹林內有小動物、磨菇及小型滑梯添。

 
 
 
熊啤啤方舟

以熊啤啤駕駛大型方舟,帶大家一齊走入太空。
高達7米的大型充氣組合,集滑梯及彈床於一身,底層彈床區設計成森林迷宮及障礙區。
 
糖果星球軌跡

八字型嘅彈床內滿佈障礙物,同時亦設有滑梯,小朋友可以隨意於彈床內游走。

^一個唔小心就好易被障礙物阻撓架啦!

^想玩滑梯? 先考考你體能及膽色!
 
狂歡地帶

場景設計成西部牛仔風格,夠特別,而且仲設有滑梯添架!
 
WE嘩!造型流沙

場內設有動力沙體驗區,可以俾小朋友發揮創意堆砌出心中所想!

^場內有提供堆沙用嘅小工具喔~

^小JM真係好努力咁整城堡中... 
 
另外,場內亦設有STEAM體驗專區及工作坊供小朋友參加。

^STEAM工作坊專區

除咗有傘兵發射台滾球大作戰之外,仲有以下呢兩個項目架~!
幸運陀螺

形式、形狀和物質不同而有各種形態嘅陀螺,隨著不同角度風力,轉速亦各有不同。
小朋友可自行使用不同物件吹向陀螺,觀察其轉動及速度,學好平衡及動力學。 
 
激落FUN

「激落FUN」今次玩嘅唔係跌落水,係跌落波波池中,又係另一番感覺呀!
 
~*~*~*~*~*~*~*~*~*~*~*~*~*~*~*~*~*~
WE嘩!STEAM太空城慈善嘉年華
📅日期:2019年2月6日至2019年2月17日 (共12天)
🔎地址:青衣體育會足球場(青衣青綠街38號)
⏰時間:上午11時至下午6時
票價:
按遊戲而定,每款HKD$50-
設HKD$180優惠套票,任選HKD$50遊戲 5 款
新增半日通門票HKD$288,3.5 小時任玩
 
大會網站:
http://www.wewaland.com
http://www.facebook.com/wewaland
 
團購優惠:
https://goo.gl/EGBKPd
 
 
博客名稱 傑。斯與晴
簡介 前Playgroup導師新手在職媽媽,喜歡以文字作紀錄 細數與小JM生活中既點滴動人時光及成長經歷與體驗 喜歡分享育兒逸事、幼兒食譜、親子旅行及遊玩資訊 以及回顧媽咪懷孕以來既種種經歷與點滴
內容更正
當前活動:
更正內容:
驗證碼: