+
專題 【戶外放電】特式公園。飛機主題兒童遊樂場 | 免費放電
發佈和牛b的成長日記 2020/11/16 229

九龍城以前嘅特式係咩呀?
就係有香港嘅機場囉~~

細細個嘅時候,我好怕跟屋企人去九龍城。
因為成日都有飛機升降,飛機嘅聲真係好大、又巨型!

其實諗返,個畫面都幾震撼!
因為大大架飛機,就喺頭頂飛過!
而機場亦已經搬咗去赤鱲角N年,所以飛機喺九龍城升降都已經變成咗歷史啦!

亦因為咁,飛機同九龍城就好有關係了~


最近我哋都帶咗和牛b去,位於九龍城嘅飛機主題公園玩,公園唔算好大!

但係特別之處,就係飛機為主題。

相信小小飛機迷一定會好鍾意呢

 

飛機造型嘅遊樂設施,仲有兩條滑梯,攀爬遊戲設施

 

 仲可以扮揸飛機


^ 搖搖飛機

呢個遊戲板超得意,模仿喺飛機跳降落傘!

 

飛機翼斜台樓梯

 至於地下嘅地墊,亦有唔同外型嘅飛機圖案。

前往方法

九龍城南角道旁嘅隧道入,穿過隧道上樓梯就到。

穿過隧道時,仲有驚喜呀 !

幅牆有幅好靚嘅鯨鯊、海洋世界畫呢!

希望大家都喜歡我介紹嘅地方,也讚好、追蹤我哋嘅Facebook (http://www.facebook.com/80smami/) ,留意最新嘅好去處/好物分享哦~~

<<溫馨提示>>

1.進行戶外活動,記得要做好防曬及防蚊措施
2.疫情關係,記得戴好口罩、勤用消毒搓手液。勿摸眼、口、鼻!
3.公園內並無洗手間,如果要去廁所需要去到九龍城廣場或九龍寨城公園內洗手間。

 地點: 馬頭圍道太子道西

--------------------------------------------------

 

博客名稱 和牛b的成長日記
簡介 新手媽媽努力地學習中,分享我的親子育兒點滴、餵哺母乳貼士、親子活動好去處。
內容更正
當前活動:
更正內容:
驗證碼: