秋天最岩就係郊遊，除左可以親親大自然，近距離睇馬，餵羊咩咩之餘，仲又可以睇冰雕，在沒有雪的香港感受下凍冰冰，溜冰滑梯，踏單車，玩彈床…. 是否好吸引呢~ 貓町媽媽一家週末剛去完海陸空冰雪嘉年華及大棠有機生態園就可以滿足哂呢幾個願望啦。
海陸空冰雪嘉年華
冰雪嘉年華雖然已經辦左幾年，不過我們是第一次去，當然是想給小火子感受下涷冰冰啦。 我們買了$80的門票包海陸空冰雪嘉年華 ＆大棠有機生態園入場卷及遊戲代幣8枚。 冰雪嘉年華面積不大，入口有紅色冰雕火車，有兩間小冰屋，然後有一短一長的冰滑梯，及薑餅人，聖誕屋冰雕等。冰雕不算精緻，整個區域幾分鐘就可以行完~ 不過入面真係好凍，其實行一陣已經夠，而且冰滑梯係幾有趣既，小火子唔夠高自己玩，就同爸爸一齊溜，玩得好興奮!
冰雪嘉年華除左有冰雕外，場館出面仲有得玩單車同彈床，我地玩左雙人車(3個代幣5分鐘)，架車望落好似好大，但原來好易踩，輕輕鬆鬆就踩完5分鐘。
大棠有機生態園
海陸空冰雪嘉年華果邊其實好快就玩完，所以建議一定要去埋大棠有機生態園。
相對菠蘿園或一些親子主打的農莊，大棠有機生態園既感覺比較殘舊，但勝在地方較大，有很多不同的動物，農作物，如菠蘿，楊桃等，是小朋友親親大自然的好去處。
馬場開放 可以近距離睇馬仔
其中一個驚喜位就係原來有機生態園裡設有馬場，可以自由參觀，也可以用遊戲卷換紅蘿白餵馬仔。 其實貓町媽媽都係第一次咁近距離睇馬仔，所以好興奮呀! 而且D馬都好溫馴，小火子見到馬馬都好開心~
水池 公園 繩網陣 小孩放電好地方
再往內走走就會看到很大的水池，上面有滿滿的葉子，如果是荷花的話，夏天一定會很美! 附近有租兒童車的地方，小孩們在大樹下騎車，畫面很美。 旁邊也有兒童遊樂場，及巨型的繩網陣，是不同年紀既小朋友都可以盡情放電既好地方! 水池旁還會見到牛牛在拉觀光車，真的辛苦牛牛了。
玩彈床 睇動物
到動物村前我們小火子發現了彈床，於是我們買了遊戲卷 ($80 – 4格卷可玩遊戲或換食物餵動物) 彈床需遊戲卷兩張，彈床雖然舊d, 但相對冰雪嘉年華果邊既彈床，呢個更適合小小孩，小火子跳下彈下，玩得非常開心~ 最後一站就係睇動物啦，有孔雀，野豬，鴕鳥，兔仔，羊咩咩。 用一格遊戲卷就可以換一杯紅蘿白餵羊咩咩，與一般農場不同，這裡有大量的羊咩咩。 接近黃昏時分，工作人員請大家迴避一下，聽到連串鈴聲後，一群羊咩咩便從遠處跑回羊欄，晝面實在太可愛~ 而小火子可以餵羊咩咩，餵完大羊，又餵BB羊，都顯得十分雀躍。
返到屋企，小火子突然間笑咪咪同我講｢頭先好好玩~｣ 聽到當然開心啦，因為帶多d你去玩，就係想構建你內在的快樂城堡，希望可以成為你日後變得強大的力量~
謝謝收看，有關影片可在貓町媽媽的facebook專頁收看。
喜歡貓町媽媽的文章或想觀看更多親子玩樂情報，
歡迎到訪及讚好貓町媽媽的facebook專頁:
